ಸಾವು

ನಿನ್ನ ನೋಡುವ ನನ್ನೀ ತವಕ.
ನೀ ಅರಿಯಲಾರೆ ಓ ನನ್ನ  ಸಖ.
ಸುಳಿವೆ ಇಲ್ಲದೆ ಬಂದು
ನನ್ನ ಬಳಗಕೆ ಕೊಡುವೆ ನಿನ್ನ ಸುಖ
ಅಂದು ನಾನಾಗಿರುವೆ ನಿನ್ನ ಪರವಶ
ಓ ನನ್ನ ಪ್ರೀತಿಯ ಸಖ
ಬೆಂಬಿಡದೆ ನೀ ಇದ್ದೆ ನನ್ನಿಂದೆ
ಎಚ್ಚರಿಸಿದೆ ಕ್ಷಣ,ಕ್ಷಣ ಬೇಡವೆಂದು.
ಅಂದು ನಾ ಬಿಡಲಿಲ್ಲ
ನನ್ನ ಗರ್ವ,ಅಹಂಕಾರ, ದುಷ್ಟತನಗಳನ್ನು
ಇಂದು ನಾ ತೊಟ್ಟ ಕಣ್ಪಟ್ಟಿ ಜಾರಿದೆ.
ಇಂದು ನಾ ಕಳೆದುಕೊಂಡರು
ನನ್ನೀ ಜೀವನದ ಮೋಹವ.
ಲಿಂಗ ವರ್ಣ ಭೇದವಿಲ್ಲದ ಆತ್ಮಕೆ.
ಇಲ್ಲಿ ಎಲ್ಲವು ನಶ್ವರ, ನೀನೆ ಶಾಶ್ವತ.
ನನ್ನೀ ತವಕಕೆ ನೀ ತೋರಿದೆ
ನಾನೆ ಅರಿಯಲಾಗದ ಅಂತ್ಯವ.
ಈ ಗೌಣ ಜೀವನದ ಉತ್ತರ
ನೀನೆ ಅಲ್ಲವೆ ಓ ನನ್ನ ಸಖ
                              ಸಾವು.
ಚಾರುಶ್ರೀ ಕೆ ಎಸ್
Biet engineering college
Davanagere